Monsoon Rainfalls in Sindh and Balochistan Break 30 Year Records

سندھ اور بلوچستان میں مون سون کی بارشوں نے تباہی مچا دی ہے۔ کے وقفے وقفے سے ہونے والی بارشوں اور طوفان  نے درجنوں افراد کی جان لے لی، اربوں روپے کی املاک کو نقصان پہنچایا، سڑکیں ڈوب گئیں اور ندی نالے بند ہو گئے۔

اس حوالے سے بات کرتے ہوئے وفاقی وزیر برائے موسمیاتی تبدیلی سینیٹر شیری رحمان نے کہا کہ جولائی کے مہینے میں سندھ اور بلوچستان میں مون سون کی بارشوں نے 30 سال پرانا ریکارڈ توڑ دیا ہے۔

یکم سے 9 جولائی تک سندھ میں 72.1 ملی میٹر بارش ہوئی، جو کہ صوبے میں عام طور پر جولائی میں ہونے والی بارش سے 62.4 ملی میٹر زیادہ ہے۔ بلوچستان میں 45.9 ملی میٹر بارش ہوئی ہے جو کہ جولائی میں صوبے میں عام طور پر ہونے والی بارش سے 39 ملی میٹر زیادہ ہے۔

یہاں یہ بات قابل ذکر ہے کہ دونوں صوبوں نے ماہ کے پہلے نو دنوں میں ہی جولائی کے لیے متعلقہ معمول کی بارش کی سطح کو عبور کر لیا ہے۔ توقع ہے کہ مون سون کی بارشیں دونوں صوبوں میں تمام ماہانہ ریکارڈ توڑ دیں گی کیونکہ مہینے میں ابھی 20 دن باقی ہیں۔

ایک الگ موقع پر بات کرتے ہوئے وزیر نے عوام سے درخواست کی کہ وہ پلاسٹک کے تھیلوں اور بوتلوں کے استعمال سے گریز کریں اور اس بات کو یقینی بنائیں کہ قربانی کے جانوروں کو مذبحہ خانوں  میں ذبح کیا جائے۔

شدید بارشوں کی وجہ سے دونوں صوبوں میں نکاسی آب اور سیوریج کا نظام شدید دباؤ کا شکار ہے۔ پلاسٹک کے تھیلوں ، بوتلوں کا استعمال ، سڑکوں اور گلیوں میں قربانی کے جانوروں کو ذبح کرنے سے ان نظاموں پر اضافی دباؤ پڑے گا۔